Blog

經過了一次生命的重擊，經歷了一次生命的最後一個過程。
是傷痛的，是惋惜的，是有缺憾的，是無奈的...

中學時代讀過了人生的意義，此時的我已忘記得七七八八，不過我亦因為剛剛發生的事而有唸過人生的意義。
有人對我說，有親人離去，傷心是有兩方面，一是他的離去，二是你失去了他。
對我來說，他的離去並不傷感，他活得精彩，過百好友前來送行。一生帶給人快樂，簡單而滿足，精彩而快樂。以我所知，他沒有遺憾，他四處遊歷，他想做的，他想去的，都做了，都去了，都試過了。我相信帶給那麼多人快樂的一個人，應該也沒有與人結怨。或者因為如此，他從不怕死亡，從不怕離開。反而經常把死亡放在口邊，或許是提醒我們如果有一日他離開，不要害怕，不要傷心。這樣或許是好事，至少我們清楚知到他的意願，可讓我們安排他最稱心的最後一程。
他沒有遺憾，因為他滿足，樂觀。而且他清楚知到就算有遺憾，各方好友亦會不辭勞苦去為他達成..有時真的有點不明白如何可以做到如此多人都真心願意與他為友..我也想學學..

人生並不在乎長短，在乎生存得實不實在，他，可以肯定確確實實存在過，而且我可以肯定，他亦會於我們生命中永遠長存。沒有人會忘記他的。

我想過，為何今世無啦啦點會今世做人呢，禁做人為乜呢，我覺得有兩個可能..
一係你地上好多好多世，一直儲錢，辛苦工作，終於放假，夠錢買一張「人」既旅行套票，今世可以休息一下，做下人。
一係你地上一世做錯事，今世被罰要做人，服完役，就可以離開

如果是第一個說法，你辛辛苦苦儲夠錢去旅行，今世，人生的意義就係盡情享受。有些人有錢，參加豪華團，有些人窮d，參加cheap cheap團，當然今世你既團包既野亦都唔同，有d人豪d食好住好，有d就要幾十人分一碟送，不過唔理你參加乜野團，你去旅行既心情都係一樣，都係想盡量用盡旅行既時間，盡量享受。所以造人亦應該一樣，盡量享受，想玩，玩，想食，食，最緊要令自已開心，最緊要唔好反屋企果陣覺得個團sit左，我唸無人去旅行會終日無所事事，hea下hea下，就返屋企掛。

如果是第二個就法，你係比人罰黎做人，禁比人罰，你都會搵個令自已舒服既方法受罰掛。比人罰抄你都會唸方法抄少幾次啦。所以，如果做人係受罰，都應該搵個自已最舒服既方法比人罰，被罰都罰得開心d啦，無人會選擇坐無影登而唔選擇罰企掛。禁係被罰既人生當中，就係其中盡量活得開心，滿足，罰完之後返屋企啦~

或者呢兩個唸法都好白痴，不過兩個都係叫自已盡量享受人生，有d人上一世比唔起豪華團，個旅程無禁好享受，有d人上世犯既罪大d，所以禁世罰得勁d，罰得奈d，不過今次他的離去，我的確看到人生好既一面，人生值得珍惜，值得爭取既一面。我自已比較相個我第一個唸法，所以雖然佢旅行既時間好短，亦唔係參加乜野豪華團，不過我可以肯定佢今個旅程玩得好開心，好滿足，有喊，有笑，有起，有落，有得，有失。最緊要係佢仲係旅程當中，遇到好多好朋友，而且位位好友亦珍惜佢，記掛佢。佢唔只在旅程中找到樂趣，過了一個好抵，好開心，好難忘既旅程，亦於途中帶比其他團友快樂，滿足，開心，感覺。

以佢一個禁鍾意周圍去旅行既人，我希望佢返到去，繼續努力做野，快d儲夠錢，再去多幾次旅行，可能目的地唔再係地球，唔再係人，不過我相信去到邊，佢亦會係佢，佢仍然可以享受旅行既樂趣，仍然可以係旅程當中，帶比其他團友一個好快樂，好回味既時光。

今世我有幸做到你同團既團友，仲要係安排左同組，同房既團友真的好好，同你一齊去玩，雖然你好pk，不過我好開心，我既旅程有禁大段時間你同我一齊，真的很高興..

哥，多謝你，祝你下次玩得再開心d，希望我再會有機會同你一齊去旅行，或者我地再係之後既旅程相會！